WAZIRI UMMY AKUTANA NA BOSS MPYA WA VODACOM TANZANIA, WAELEKEZA MAPAMBANO DHIDI YA EBOLA

Kutoka Dodoma.

Waziri wa Afya Mhe. Ummy Mwalimu mapema leo amekutana na Mkurugenzi Mpya wa kampuni ya Vodacom Tanzania Bw. Philip Besumire kwa lengo la kujitambulisha na kujadiliana mambo mbalimbali yanayohusu sekta ya Afya.

Miongoni mwa mambo waliyojadilina ni pamoja na Kampuni hiyo ya simu kuendelea kushirikiana na Wizara ya Afya hasa katika kipindi hiki cha tishio la Ebola kwa kutoa jumbe mbalimbali kwa siku ili kuwaelimisha wananchi.

Kikao hicho kimefanyika Ofisi za Wizara Jijini Dodoma na kimewakutanisha viongozi wa Wizara akiwemo Mkurugenzi wa huduma za Afya ya Uzazi na Mtoto Dkt. Ahmadi Makuwani na Viongozi wengine kutoka Vodacom Tanzania.

Ugonjwa wa Ebola ulioripotiwa kutokea nchi ya jirani ya Uganda, ambapo hadi sasa Serikali ya Tanzania imeendelea kuchukua jitihada mbalimbali ikiwemo kutoa elimu pamoja na utayari katika katika kutoa elimu na ukaguzi dhidi ya Ugonjwa huo.

#mwambelaupdates

MIRADI 44 YAGHARIMU SHILINGI TRILIONI 3.8

 

Na Deborah kutoka Dodoma.

Shilingi Trilioni 3.8 kutumika katika kugharamia jumla ya miradi 44 ya barabara yenye urefu wa Kilometa 1,523, ikihusisha miradi inayogharamiwa na Serikali kwa kutumia fedha za ndani na inayogharamiwa kupitia Washirika mbalimbali wa Maendeleo.

Taarifa hiyo imetolewa leo na Mtendaji Mkuu wa Wakala wa Barabara Tanzania (TANROADS) Eng.Rogatus Mativila wakati akielezea utekelezaji wa shughuli mbalimbali za Wakala hiyo na mwelekeo wa utekelezaji wa bajeti kwa mwaka wa fedha wa 2022-2023, mbele ya waandishi wa habari Jijini Dodoma.

Aidha, Eng.Mativila amesema kuwa mradi mkubwa wa ujenzi wa Kiwanja cha ndege cha Msalato unaojumuisha ujenzi wa njia ya kurukia ndege na majengo ya abiria unaendelea chini ya ufadhili wa Benki ya Maendeleo Afrika AfDB kwa gharama ya Shilingi Bilioni 360.

"Mradi mkubwa wa ujenzi wa Kiwanja cha ndege cha Msalato unaojumuisha ujenzi wa njia ya kurukia ndege na majengo ya abiria unaendelea chini ya ufadhili wa Benki ya Maendeleo Afrika (AfDB) kwa gharama ya Shilingi Bilioni 360,"Amesema Eng.Mativila

Na kuongeza kuwa " Na jambo la kufurahisha zaidi ni kwamba Oktoba 30,2022 Mhe.Raisi wa Jamhuri ya Muungano wa Tanzania Samia Suluhu Hassan ataweka jiwe la Msingi katika Mradi huu mkubwa wa ujenzi wa Kiwanja cha ndege cha Msalato"

Eng.Mativila amesema mbali na miradi hiyo 44 iliyopo katika hatua mbali mbali ya ujenzi kuna miradi mingine 62 ya barabara iliyopo katika hatua mbalimbali za manunuzi kwa ajili ya ujenzi kwa kiwango cha lami.

"Barabara hizi 62 ambazo zipo katika hatua ya manunuzi zinajumuisha miradi inayogharamiwa na Serikali kwa kutumia fedha za ndani pamoja na fedha kutoka kwa Washirika wa maendeleo"

Katika hatua nyingine Eng.Mativila amesema kuwa Wizara ya Ujenzi kupitia TANROADS imeanza utekelezaji wa Miradi ya EPC + F yenye urefu wa kilometa 2,533km na Makampuni yaliyokuwa shortlisted yamealikwa tarehe 22 Septemba, 2022 kuwasilisha zabuni tarehe 22 Novemba, 2022.

"Miradi hiyo ni kama ifuatavyo: Kibaha - Mlandizi Chalinze Morogoro (km 205) Expressway, Kidatu Ifakara Lupiro Malinyi Kilosa Mpepo Londo Lumecha/Songea (km 512),Arusha Kibaya Kongwa Road (km 493), Handeni Kiberashi Kijingu Njoro Olboroti Mrijo Chini Dalai Bicha Chambolo Chemba Kwa Mtoro Singida (km 460), Igawa Songwe Tunduma (km 218), Masasi Nachingwea Liwale (km 175), Karatu Mbulu Hydom Sibiti River Lalago Maswa (km 389 na Mafinga Mtwango (Km 81)"

Jumla ya miradi 43 ya barabara yenye urefu wa kilometa 2,021.04 na gharama ya Shilingi Bilioni 9.6 ipo katika hatua mbali mbali za upembuzi yakinifu na usanifu.

Katika mwaka wa fedha 2021/22, kati ya Julai 2021 hadi Mei 2022, jumla ya mikataba 20 inayohusisha miradi ya ujenzi wa Barabara na Viwanja vya Ndege inayogharimiwa moja kwa moja na fedha za ndani na mingine kugharimiwa kwa fedha za Washirika wa Maendeleo ilisainiwa.

Mikataba ya ujenzi wa barabara zenye jumla ya km 582.455 imesainiwa na mikataba ya ujenzi wa Kiwanja cha ndege Msalato na kumalizia jengo la Kiwanja cha ndege Songwe pamoja na mizani ya Rubana ilisainiwa. Gharma ya miradi yote 20 ni Shilingi Bilioni 1,460.84.

MAANDALIZI YA MATOKEO YA AWALI YA SENSA YAMKOSHA MAKAMO WA PILI WA RAIS WA ZANZIBAR

 

Na Mwandishi wetu-Dodoma.

Makamu wa Pili wa Rais wa Serikali ya Mapinduzi ya Zanzibar Hemed Mohamed Abdullah amesema ameridhishwa na hatua ya maandalizi ya uzinduzi wa matokeo ya awali ya sensa ya watu na makazi ya mwaka 2022 ambayo yamefikia asilimia 85 na matarajio kufikia kesho jioni yatakuwa yamekamilika kwa asilimia zote.

Uzinduzi huo unatarajiwa kufanyika Oktoba 31,2022 katika Uwanja vya Jamhuri Jijini Dodoma na Mgeni rasmi anatarajiwa kuwa Rais Samia Suluhu Hassan.

Mh Abdullah ameyasema hayo leo Oktoba 29,2022 jijini Dodoma alipotembelea uwanja wa Jamhuri ambako kutafanyika hafla hiyo kwa ajili ya kushuhudia maandalizi yanavyokwenda.

“Maandalizi yanaendelea vizuri na hali tuliyoiona tumefikia zaidi ya asilimia 85 kilichobaki ni kukamilisha mambo madogo madogo ambayo leo na kesho yatakuwa yamekamilika kwa asilimia zote kitakachobaki ni ile siku ya shughuli ya watanzania kuhudhuria kwa mujibu wa utaratibu,

Na kuongeza kuwa:”Rais Samia atazindua matokeo ya mwanzo ya sensa ya watu ya mwaka 2022 na tumejipanga vizuri na tunaamini kwamba uzinduzi huu utakuwa wa kisasa sana,"Amesema Abdullah

Amesema hafla hiyo itakuwa mubashara kupitia vyombo mbalimbali vya habari na watanzania watapata nafasi ya kuona na kusikia.

"Sensa ya mwaka huu ni ya kisasa na ya kipekee sababu imefanyikia kidigitali kuliko sensa za awamu Zote na takwimu hizi zitatusaidia katika maendeleo mbalimbali ya kiuchumi, haitatumika Tanzania pekee bali itatumika kwa nchi nyingi duniania kwakuwa tumekuwa tukishirikiana na nchi mbalimbali katika mambo tofauti tofauti"

Aidha ameongeza kuwa takwimu za matokeo ya sensa zitasaidia Kwa kiasi kikubwa shughuli za kiuchumi na kijamii ili kupanga maendeleo kwa maslahi ya Taifa.

Kwa mujibu wa Makamu huyo wa Rais amesema kuna vigezo ambavyo vinachukuliwa kimataifa vya ubora wa sensa na hayo yatatoka taarifa zake baada ya uzinduzi.

Kwa upande wake Mkuu wa Mkoa wa Dodoma ambaye pia ndiye Mwenyekiti wa Maandalizi ya hafla hiyo Rosemary Senyamule amesema maandalizi ya yanaendelea.

Amesema katika kuhakikisha kila kitu kinafanikiwa kwa weredi na wameunda kamati zipatazo 11 zinazoongozwa na Wakuu wa Wilaya .

Rosemary amesema kwa kushirikiana na kamati ya ulinzi na usalama ya Mkoa na vyombo vingine wamehakikisha suala hilo linapewa kipaumbele siku hiyo ya tukio.

"Kiujumla tuko vizuri tumeunda kamati 11 na zinaongozwa na wakuu wa Wilaya, kubwa zaidi ni kuhakikisha wanawahamasisha wananchi katika maeneo yao siku hiyo wafike uwanjani mapema kwa ajili ya kukamilisha zoezi Hilo"

Naye Mkuu wa Wilaya ya Kongwa ambaye ni Mwenyekiti wa kamati ya itifaki na mapokeze Remedius Mwema amesema kuwa mpaka sasa tayari mabalozi kutoka Nchi mbalimbali wamethibitisha kushiriki katika zoezi hilo.

Amesema bado wanaendelea kutoa mialiko ya viongozi watakao hudhuria na wageni kutoka Serikali ya Mapinduzi ya Zanzibar wakiwemo viongozi na wananchi zaidi ya 140.